اريد أعـــــــــــرس ...... زوجــــــــــــــــــــوني
نزلت هذه الكلمات مثل الصاعقه على الأم
كانت صدمة لها
مع أن المفروض أن كل أم تفرح لما تسمع هالكلمة من واحد من اولادها
(ايباااااااااااااااااااخ شلون فرحه)
لكن سبب الصدمة كان أن هالكلمة ما صدرت من ولدها
لكنها صدرت من .... من ....
من " ابـــــــنـــتـــــــــــــها "
إي " ابــــــــــــــــنــــــــــــــتــــــــــــــها "
ياللهول
(مو ابو الهول اللي بمصر .. هذا غير واحد)
أنربط لسان الأم
(ادري شنو طلي هو حتى ينربط)
دارت بيها الدنيا
كامت توسوس
الولد نكدر نخطب له ... امـــا البنية شلون!!!
(همين خطبولها بس بالمكلوب)
من وين انجيب الهه رجال!!!!
(كوومة ثنين بالف و ربع)
" ماما ... ردي علية .. دخيلج ... زوجيني "
صحت الأم من الهواجس الساخنة ... القاتلة ...اللي أصابتها من الصعقة السابقة
(صعقة خطيره)
كانت البنت تهز كتف أمها .. و تترجى فيها :
" ماما ... أفهميني ... أني اريد أعـرس ... "
لكن الأم ما كدرت ترد بأي كلمة
(لا .. بعد عيزه تحجي)
كانت بس اتباوع على عيون بنتها و تكول بينها و بين نفسها :
" هذي اللحظة إللي ماحسبت حسابها .... الظاهر بنتي كبرت و أني ما أدري ... "
(خخخخخخخخخ كبرت)
رجعت البنية و شمرت بنفسها على الكرسي بكل إحباط وكالت :
" أنتو ليش ما تريدون تفهموني .. أني خلص كبرت ... صرت مرية .. عمري هسة فوك العشرين سنة .. يعني مرررررررررررررررة .... أفهميني ماما الله يـخـلـيـج "
( هو اللي بالثلاثين مامحصلين شي انوب انتي)
أخيراً اتكلمت الأم و قالت :
" خلص يا بـنيتـي ... فـهـمـتـج " ... و هـي كاعـده تفـكر وشــلـون تـفـاتـح الأب بهاالـمـوضـوع ...يا للـمـصــيـبـه
(طركاعه مو مصيبه)
قربت البنية من أمها و كالت:
" ماما شنـو هـو اللـي خــــــــلص ... أنتي عبالج انى هسة اني نونو ...تغلسين علية؟ ؟؟ .. أنـــي مرة .. اني هسة صـرت مرية .. و كـل صديقاتي اللـي وياية عرسن...
ماما اللـه يـخـلـيـج حـسـي بيه ترة الاحساس نعمه "
(حس بيه ... حس بيه.. انكلبت كاظم الساهر)
و الأم المسكينة يتكطع كلبها على بنيتها .. و تكول بخاطرها
" الله يعينج يا بـنـيـتـي .. كل هذا في قلبك و متحملتنه "
(الله يعينها عالـ.......)
و البنية أستمرت بصراحتها ...
" ماما أنتي أكيد تعرفين مشاعر أي بنت بعمري .. و أني ما طلبت شي خطا ..
طلبت العــــــــــــــــــــرس بس!!!
(لا ابد مارايده شي)
اتسودنت الاماية
(طك الفيوز)
" العـــــــــــــــــــرس بس !! .. إيه هينة بس .. هو العـــــــــــرس ينكال عنه بس ؟؟
و كملت البنية:
" ماما سامحيني على صراحتي
بس ماعندي غيرج أفضفضله
(غير صريحه الاخت)
أنتي لو تعرفين شلون إحساسي كل ما فكرت بصديقاتي المعرسات
أتخيل سعادتهم ... و أتصور شعورهم
فاهمتني ماما ؟؟؟ "
و قفت الأم في مكانها .. و حاولت إنها تكون صارمه حتى تنهي الحوار و قالت
" خلص يا بنتي .. كلتلج خلص ..
أني فهمت و ماله داعي كل هالشرح
و إذا اجا أبوج اتفاهم وياه ... أنتي تحسبين الموضوع سهل ..
يـنـجـلـط الـرجـــــــال بيها "
قامت البنية من مكانها .. و واجهت أمها و كالت
" لا .. بعدج مفهمتيني .. و لا حسيتي باللي أحسه
أنتي عايشه في نعيم .. أني أشوفج كل يوم تروحين وية بابا .. و أني محرومه من هالشي ..
عبالج ما أفهم .. ما أحس
أعرف شعورج لمن تكونين وية بابا"
(هااااااااااااا اثاري هاي تبصبص)
و مسكت كتوف أمها بين إيديها و حطت عينها بعين أمها و كالت:
" ماما أفـهـمـي لـيـش أني أريد أتـــــــــزوج .. "
الأم ما كدرت ودارت وجهه عن بنتها و كالت
" ولج استحـــي "
(غير فشله عااااااااااااااااااااااااا)
لكن البنية كملت كلامها
" ماما المسأله ما بيهه مستحة ,,,, هـذي مـشـــــــــاعـر طـبـيـعـيـة ..
(طبيعه خلااااااااااااابه)
كـلـه كـــــــــــوم .. و منظر صـديـقـاتـي كـــــــــــــــوم ..
كل يوم أشوفهم الصبح ايجوبوهم أزواجـهـم للـكـلـيـه
و أني كـلـبـي يـتـفـطـر
(عبالها هذني متزوجات..متدري هذا الـ"كبل")
أشوف أشكالهم مع رياجيلهم .. و أنـقـهـر ..
و أني كل يوم أركب بالخط للـكـلـيـه
(اسيا سيل لو عراقنا)
ماما أني كـلـي أحـاسـيــــــــــــس و مـشـــــــــــــاعـر
ماما أفـهـمـيـنـي عــــــــــــاد "
(افهمي جلبتي)
لكن الأم ما أسـتـحـمـلـت
وكعت على الأرض مـغـمـى عليها
و الظاهر إنها إنـجـلـطـــــــــــــــــت ..
(الى رحمة الله)
جلست البنية على ركبتيها .. يم أمها .. تحاول إنها تصحيها و هي تصرخ :
ماما أفـهـمـيـنـي ... أنــي .... أنــي .... أنــي..... ....
أنــي اريد أتــزوج حتى......... ..
(ولج سكتي ...عيب)
حتى اركب ليكدام!!!!!!!!
خخخخخخخخخخخخخخخخخخخخخخخ
ترة عادي ياجماعة اكو هيجي حالات بالشماعية
هع هع
خفتوا مو؟ يلا يلا اسمحوها بيه