بس انهجم بيتك من هديه؟؟

أطلبك روحي
حاير من تجي بيا ورده الاگيك
وياعين التكفي وبيهه اخليك؟

لذلك لازم اتلگاك بالبيت
حته بكل كتر بالبيت الاگيك

المجره انته شتكفي الغرفه والبيت؟
اسويلك سمه خاطر تكفيك

أحضنك خاف أحضنك والله محتار
وأگلك خاف أگلك خاف ابچيك

اطلبك روحي بالله شلون وياك
اطلبك روحي حته بروحي اخليك

اروح بورد چفك لاخر الكون
واتيه بورد وجناتك ورد بيك

وأشيلك بالجفن دمعة مجانين
حته أطيح عيني وماابديك

ردت من عندي روحي وماگلت لا
ذبحت بروحي روحي وجيت اعزيك

خليتك رمح يم باب الجروح
تدگ باب المنيه وماأحاچيك

أرسمك ماي بس انته بخلگ نار
وتشعلني شمع بس ماأطفيك

تزعلني بكثر ما بالسمه نجوم
وانه اضعافهن اضحك وأراضيك

عودك ينحني لو مرت الريح
وآنه شگد صلب بس انحني عليك

تمر بيه حلم وتفزز الناس
ومحد ينتبه بس آنه أفز بيك

واسولفلك سنيني شيبچن دموع
دمعهن ...دمعه رايح.. دمعه آتانيك

وگبل لاتمشي تنزف دمعة الشوگ
وينشف دمعته عن لايبچيك

ذيچ الجيه تدري أنطيتك الروح
وماظل شي بعد بس لازم انطيك

شوف شباقي بيه بكيفك اختار
وأنته براحتك وأخذ اليكفيك

قضايه الناس كلهن سالفة موت
وانه وياك عدنه اترف قضيه

كلهم فدوه لعيونك يروحون
ولا بيهم بشر يرهم عليه

أجت عينك بعيني وصار زلزال
چا لو حاظنك شيصير بيه؟

أقدم روحي الك ورده وشمعتين
وأتيهك بالورد والگاك بيه

تسألني ورد روحي ذبل ليش؟
لأن وردات خدك مزهرية

شفتك وأنخطف لوني عله ممشاك
ونسيت أسمي وعلي وتاهت عليه

گوه تصير الي لتگلي متصير
واذا متصير گوه تصير اليه

هدیة ومو مهم منين جابوك
بس أنهجم بيتك من هديه
بس أنهجم بيتك من هديه

موضوع: رد السبت يوليو 26, 2008 6:02 am

والله نايس حبي
انشا الله يعمر بيتك
ويخلك شرف
تحياتي لك

يسلمووووووووووووووووووووووو

حبي ولف الله يعمر جميع بيوت العراقين

مشكور على المروووووووووووووور